Der Liedtext zum mitlesen:
I hob koa Ringal an de Finga
hob koan Armreifen am Glenk
hob koa Kettal uman Hois
i mog ned wenn an mia wos hengt
i hob koan Ring mit Diamanten
und im Ohr koan Knopf ned drin
bei mia do kost lang suacha
und du finst koan Piasigring
Denn mei Hoamat is mei ganze Ziea
da schenste Schmuck den i niamois nia valier
warum hod mancher Preis neidisch gedacht
hod da Herrgott agratt Bayern so schee gmacht
i hob koa Protox in mein Hirn
und meine Hoor san ned blondiert
i hob koa Tatoo aufm Bobo
und hob Koks no nia probiat
zwar howi a Sixpäck
doch zum ogehm brauch is ned
drum howis unter meiner Wampen
ganz dezent vasteckt
Denn mei Hoamat is mei ganze Ziea
da schenste Schmuck den i niamois nia valier
es glam vui si warn vom Nowe da Welt
a bissl diafa do liegt Bayern
und des is des woas zäid
ois unser liawe Herrgott den Saukopf hat erdacht
hod er am säibm Dog no de ersten Menschn gmacht
doch wira si so oschaugt sogt da Herr a so a gfrett
den unterschied vom Vich zum Mensch
den merkt ma do fast ned
und scho macht a si dro und siniat so vor si hie
„i kannt doch Menschn macha de grod so san wia i
Nackat soins ned sei sie griang a Tracht und Hafalschua“
Scho war da Bayer fertig und sei göttliche Natur
Da Herr sogt Bayern is mei ganze Ziea
de bravm Leid, des schene Land, des guade Bier
da Himme is scho schee mim Paradies
doch gmiatlicha is Bayan des is gwies