Der Liedtext zum mitlesen:
Fria bin i vom Bett aufgsting
und hob sackrischn Sport glei triem
erst Dauerlauf so 2 -3 Stund
dass D'wampm wieda wegga kummt
und glei danach Dahoam auf's Radl
is guad für d'Schenkel guad für d'Wadel
und glei drauf wean Gewichte gwucht
dass sixpäck richtig auße druckt
do sogt mei Schatz zu mia
kumm mach ma doch de Freid
leg di a wenig zu mia
schau mia ham doch sovui Zeit
drauf sog i wos is grod los bist du varuckt
i bin jetz miad i bin so gschafft ibin kaputt
A so a Samstog is mei Freid
um 4re is zum sqwoschn Zeit
guade zwoa Stund howi treniat
a jedn Muskl durchmasiat
und anschließend zum Schlittschua fahn
450 Runden drahn
dahoam schoid I an Feanseh o
und schau ma no de Sportschau o
A Sportschau is wia Meditian
a Bia dazua des muaßt probian
wenn des an Hois so owe lafft
ja des enspannt und brigt a Kraft
mei Schatz de hoid mei Rua ned aus
schimpft und fluacht rennt aus'm Haus
wias hoam kimmt lig i scho im Bett
und sog zu ia ganz nett
mei Schatz kumm hea zu mia
kumm mach ma doch de Freid
leg di a wenig zu mia
schau mia ham doch sovui Zeit
drauf sogt sie wos is grod los bist du varuckt
i war beim Sepp i bin so gschafft i bin kaputt