Der Liedtext zum mitlesen:
An Wunder dua i nia ned glam
Doch howi neilich mi vafahrn
Kumm durch an Woid der nia aufhead
Und denk ma depp do bist vakehrt
Und wia i wui mein Karr`n umdrahn
Do kummt a Fee so durch de Bam
Wo kummt de hea, wia ko des geh
Varreck wia is de schee
Koana is unbekannt
Sogt sie im Feenland
Jeda ko mit ia fliang
Ma kannts ja moi probian
Des wead ma nia berein
Ma wead si g`frein
Wea si im Woid varrennt
Weil a an Weg ned kennt
Dea wead vom G`wissen plogt
Weil a koan Kompass hod
Dea kummt do nur no raus
Steigt a mit auf.
Sie is so andas howi denkt
Ois wia ma sunst de Leit so kennt
Und denk für mi des hod an Sinn
Dass i im Woid steh so diaf drinn
Drum frog i sie kannt des ned sei
Dass i bei dir an Wunsch hob frei
Sie sogt oan kannt sie mia erfüll`n
Doch dea war ganz diaf in mia drinn
Wenn i di oschau sog i glei
Do foiat ma a Wunsch glei ei
Und aussadem des woass i scho
Gabs 100 andre no.
Sie sogt nur dea wead mia erfüllt
Den i scho moi ois Kind hob g`fühlt
Den soi i rauf hoin formulian
Dea wead si glei realisian
I hob in mia weit owe grom
Den Kinderwunsch i woid´n song
Doch dea war z`diaf er war zweit unt
Üba d`Lippen mia nix kummt
Und scho war a de Fee vaschwunden
Warum hob i den wunsch ned g`funden
Doch in mia drinn, wohers a kummt
Es oiwei leise summt
...gesummt ...