Der Liedtext zum mitlesen:
Da greitla sepp aus grailling, is a ganz kreizbrava mo
Doch sei tochta de babett, ja de wui hoid ned a so
Wenn er dahoam sein stoi ausramt, verdruckt se si soglei
Denn sie wui hoid ums varreckn blos koa bauertochta sei.
Da babett ihr größter traum, is a große peauty farm
Mit an fresiersalong hint dro, und a guads nagelstudio
Jedes haar möchte sie gern tönen, jedes nagelbett verwöhnen
Auch ihre lippen ganz enorm, hält babett immer in form.
Da greitla sepp aus greilling, denkt oiwei a so a schmarrn
Am hof soi d`babett arwan, und ned auf da peauty farm
Do schaut a auf sei zeitung und do steht ganz groß gschriem
Deutsch is heid aut und englisch des war inn
Da greitla sepp aus greilling hod auf sei kuastoitür jetzt gschriem
A groß schuidl „ peauty farm“ und drunter „pleace come in“
Und seit sei babett, des schuidl hod entdeckt
Griagt da greitla sepp sei tochta ausm kuastoi nimma weg
An greitla seine kia san in ganz bayern heid bekannt
Mit buntlackierten nägeln und mit stränchen hint am schwanz
An blankrasierten zitzen henga goldne ringal drauf
Und sei tochta de babett, kennst von de kia jetzt nimma raus
De moral von der geschich, is doch eigentlich ganz leicht
Mit na namensänderung wead heizudog oft fui erreicht
Des wort schmiergeld zu beispiel, des kummt ned so guat o
Doch sogst zum schmiageld spende, ja dann trongs die geld davo